Arsenal er í níunda sæti í ensku úrvalsdeildinni eftir tap gegn nágrönnum sínum í Tottenham um helgina. Þegar þrjár umferðir eru eftir í ensku úrvalsdeildinni á Arsenal á hættu að ná ekki í Evrópusæti í fyrsta skipti síðan tímabilið 1995/1996.

Arsenal mætir Manchester City í undanúrslitum enska bikarsins en liðið getur ennþá náð sæti í Evrópudeildinni með sigri í bikarnum. Hins vegar er ljóst að Arsenal verður þriðja tímabilið í röð ekki í Meistaradeildinni.

„Þetta yrði mikið áfall," sagði Arteta aðspurður út í það ef Arsenal nær ekki Evrópusæti.

„Það eru miklar breytingar í gangi og það eru mörg félög sem hafa í sögunni alltaf verið í Meistaradeildinni en eru það ekki núna. Við erum ekki einir í þessari stöðu."

„Við höfum aldrei í sögu ensku úrvalsdeildarinnar verið með sjö lið að keppa um þessi sæti af sama styrkleika."

„Við þurfum að breyta ýmsum hlutum til að komast aftur á það stig sem við viljum að þetta fótboltafélag sé á."

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit