Stefán Þór til Norrköping á láni (Staðfest)

Stefán Þór samdi við ÍA síðastliðið haust eftir að hafa leikið með Norrköping undanfarin ár.

Á heimasíðu Skagamanna segir að Norrköping hafi ekki tekist að fylla skarð Stefáns og því hafi félagið falast eftir því að fá hann á láni í mánuð.

Stefán kemur aftur til baka í lok apríl og verður því í góðu standi þegar að Íslandsmótið hefst 10.maí en þá taka Skagamenn á móti Breiðablik.

Annar Skagamaður leikur með Norrköping en það er Garðar Bergmann Gunnlaugsson sem fór á kostum þegar að liðið sigraði sænsku 1.deildina á síðustu leiktíð.