16.10.06 - 13:04
Hafliði Breiðfjörð
Adolf Sveinsson í Þrótt (Staðfest)
Mynd: Þróttur.is
Mynd: Þróttur.is
Adolf Sveinsson hefur gert 3ja ára samning við Þrótt sem gildir til ársloka 2009. Adolf var markahæsti leikmaður 2. deildar karla í sumar þegar hann lék með Reyni Sandgerði. Að mótinu loknu var hann valinn í lið ársins í 2. deildinni sem þjálfarar og fyrirliðar í 2. deildinni völdu fyrir Fótbolta.net.
Adolf er þrítugur framherji. Hann lék 17 leiki í 2. deildinni í sumar og skoraði í henni 13 mörk en missti úr einn leik vegna leikbanns.
Hann er eldsnöggur sóknarmaður og er mikill markahrókur. Hann hefur áður spilað með Keflavík, Stjörnunni og Val bæði í 1. deild og úrvalsdeild.
Adolf er mikill markaskorari eins og áður sagði en hann er bróðir Harðar Sveinssonar sem er einnig mikill markahrókur sem leikur með Silkeborg í Danmörku. Unnusta hans er einnig mikill markaskorari, hún er Hrefna Jóhannsdóttir leikmaður KR.
Þróttarar réðu á dögunum Gunnar Oddson sem þjálfara en Gunnar kemur einmitt líka frá Reyni Sandgerði.
Hann er eldsnöggur sóknarmaður og er mikill markahrókur. Hann hefur áður spilað með Keflavík, Stjörnunni og Val bæði í 1. deild og úrvalsdeild.
Adolf er mikill markaskorari eins og áður sagði en hann er bróðir Harðar Sveinssonar sem er einnig mikill markahrókur sem leikur með Silkeborg í Danmörku. Unnusta hans er einnig mikill markaskorari, hún er Hrefna Jóhannsdóttir leikmaður KR.
Þróttarar réðu á dögunum Gunnar Oddson sem þjálfara en Gunnar kemur einmitt líka frá Reyni Sandgerði.
Heimild: Vefsíða Þróttar
