17.01.07 - 11:30
Magnús Már Einarsson
Heiðar Geir lánaður til Hammarby (Staðfest)
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Framarar hafa staðfest að þeir hafi lánað Heiðar Geir Júlíusson til sænska félagsins Hammarby í eitt ár eins og við greindum frá í gær.
Heiðar Geir sem er sóknar og kantmaður fór til Hammarby á reynslu í ágúst síðastliðnum og skoraði hann meðal annars í leik með varaliði félagsins.
Þessi 19 ára gamli leikmaður hefur leikið með meistaraflokki Fram undanfarin þrjú tímabil en hann lék með KA á Akureyri fram til 13 ára aldurs.
Í fyrstu deildinni síðastliðið sumar skoraði Heiðar eitt mark í átján leikjum þegar Fram sigraði deildina en hann hefur skorað tvö mörk í sautján leikjum í Landsbankadeildinni á ferli sínum með félaginu.
Þá hefur Heiðar leikið fyrir öll yngri landsliðs Íslands en hann lék sinn fyrsta U-21 árs landsleik á síðasta ári og er hann ennþá gjaldgengur í þeim aldursflokki.
Með Hammarby leikur Gunnar Þór Gunnarsson sem gekk til liðs við félagið frá Fram í fyrra. Pétur Hafliði Marteinsson hefur einnig leikið með liðinu undanfarin ár en hann gekk síðastliðið haust til liðs við KR.
Þessi 19 ára gamli leikmaður hefur leikið með meistaraflokki Fram undanfarin þrjú tímabil en hann lék með KA á Akureyri fram til 13 ára aldurs.
Í fyrstu deildinni síðastliðið sumar skoraði Heiðar eitt mark í átján leikjum þegar Fram sigraði deildina en hann hefur skorað tvö mörk í sautján leikjum í Landsbankadeildinni á ferli sínum með félaginu.
Þá hefur Heiðar leikið fyrir öll yngri landsliðs Íslands en hann lék sinn fyrsta U-21 árs landsleik á síðasta ári og er hann ennþá gjaldgengur í þeim aldursflokki.
Með Hammarby leikur Gunnar Þór Gunnarsson sem gekk til liðs við félagið frá Fram í fyrra. Pétur Hafliði Marteinsson hefur einnig leikið með liðinu undanfarin ár en hann gekk síðastliðið haust til liðs við KR.
Heimild: Heimasíða Fram
