17.01.09 - 07:13
Magnús Már Einarsson
Guðmundur Steinarsson til FC Vaduz (Staðfest)
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Guðmundur Steinarsson framherji Keflvíkinga er búinn að skrifa undir samning við FC Vaduz frá Liechtenstein en samningurinn gildir til 30.júní.
Þessi 29 ára gamli leikmaður ákvað á dögunum að ganga til liðs við Vaduz og nú er búið að ganga frá öllum lausum endum.
Guðmundur lék frábærlega með Keflavík í Landsbankadeildinni síðastliðið sumar en hann var valinn besti leikmaður deildarinnar og var einnig markakóngur með sextán mörk.
Hann vann sér einnig sæti í íslenska landsliðinu og lék tvo leiki með liðinu síðastliðið haust.
Vaduz leikur í svissnesku úrvalsdeildinni og er þar í níunda sæti af tíu liðum en keppni í deildinni hefst að nýju eftir vetrarfrí í febrúar.
Sjá einnig:
Guðmundur St: Heldur meiri gæði en maður er vanur heima
Guðmundur lék frábærlega með Keflavík í Landsbankadeildinni síðastliðið sumar en hann var valinn besti leikmaður deildarinnar og var einnig markakóngur með sextán mörk.
Hann vann sér einnig sæti í íslenska landsliðinu og lék tvo leiki með liðinu síðastliðið haust.
Vaduz leikur í svissnesku úrvalsdeildinni og er þar í níunda sæti af tíu liðum en keppni í deildinni hefst að nýju eftir vetrarfrí í febrúar.
Sjá einnig:
Guðmundur St: Heldur meiri gæði en maður er vanur heima
Heimild: Heimasíða FC Vaduz
