England: Liverpool fór illa að ráði sínu - Dramatík í Lundúnum

Dominik Szoboszlai fékk tækifæri til að koma Liverpool yfir eftir rúmlega hálftíma leik en hann skaut í slána úr vítaspyrnu. Um tíu mínútum síðar tókst þeim að brjóta múrinn þegar Florian Wirtz fékk boltann inn á teignum og negldi boltanum í netið.

Yfirburðir Liverpool héldu áfram í seinni hálfleik en Burnley var nálægt því að jafna metin eftir klukkutíma leik þegar Ibrahima Konate setti boltann á eigið net og Alisson þurfti að hafa sig allan við til að halda boltanum.

Stuttu síðar náði Burnley hins vegar að jafna metin. Florentino Luis átti frábæra stungusendingu inn fyrir vörn Liverpool á Michael Edwards sem kláraði færið frábærlega.

Hugo Ekitkie hélt að hann hafi komið Liverpool aftur yfir þegar Virgil van Dijk skallaði boltann til hans af stuttu færi en hann var dæmdur rangstæður. Þar af auki fékk Ekitike boltann í höndina.

Þrátt fyrir ótrúlega yfirburði tókst Liverpool ekki að finna sigurmarkið og jafntefli niðurstaðan. Liverpool hefur nú tapað stigum gegn öllum nýliðunum, Burnley, Leeds og Sunderland.

Chelsea fór upp fyrir Brentford í 6. sæti deildarinnar en liðin mættust í dag. Brentford fékk á sig klaufalegt mark eftir 25 mínútna leik. Michael Kayode ætlaði að hreinsa boltann frá en hann fór í Enzo Fernandez, þaðan fór boltinn til Joao Pedro sem skoraðii.

Brentford fékk fín tækifæri til að jafna metin en Cole Palmer innsiglaði sigur Chelsea með marki úr vítaspyrnu.

Pressan eykst á Thomas Frank eftir að Tottenham tapaði á dramatískan hátt gegn West Ham. Callum Wilson skoraði sigurmarkið í blálokin eftir að hafa verið nýkominn inn á sem varamaður.

Sunderland er enn taplaust á heimavelli í deildinni eftir sigur á Crystal Palace. Þá var Lukas Nmecha hetja Leeds þegar liðið vann ótrúlega dramatískan sigur gegn Fulham.

Sunderland 2 - 1 Crystal Palace
0-1 Yeremy Pino ('30 )
1-1 Enzo Le Fee ('33 )
2-1 Brian Brobbey ('71 )

Leeds 1 - 0 Fulham
1-0 Lukas Nmecha ('90 )

Chelsea 2 - 0 Brentford
1-0 Joao Pedro ('26 )
2-0 Cole Palmer ('76 , víti)

Tottenham 1 - 2 West Ham
0-1 Crysencio Summerville ('15 )
1-1 Cristian Romero ('63 )
1-2 Callum WIlson ('90 )

Liverpool 1 - 1 Burnley
0-0 Dominik Szoboszlai ('32 , Misnotað víti)
1-0 Florian Wirtz ('42 )
1-1 Marcus Edwards ('65 )