Sara Sigurlásdóttir í Fylki (Staðfest)

Sara sagði í samtali við Fótbolta.net í dag að henni litist mjög vel á Fylkissliðið og að spennandi tímar væru framundan ,,mér lýst mjög vel á liðið. Þetta er skemmtilegur hópur og það verður gaman að taka þátt í þeirri miklu uppbyggingu og þeim áhuga til að gera betur sem er hjá félaginu"

Eins og áður hefur getið til um spilaði Sara síðasta sumar með Val og varð bæði Íslands og bikarmeistari með félaginu. En var það ekki erfið ákvörðun að fara frá félaginu ,,Jú þetta var frekar erfið ákvörðun. Valsliðið er mjög sterkur hópur og frábærar stelpur, en ég lít á þetta sem tækifæri fyrir mig að fá mikla reynslu þar sem ég spila mun veigameira hlutverk í Fylkisliðinu"

ÍBV hefur ekki verið með starfræktan meistaraflokk í ár og því skipti Sara í Val á sínum tíma. En sér Sara sig fyrir sér spila aftur með félaginu ef ÍBV stofnar meistaraflokk. ,,Ef liðið mun spila aftur í efstu deild þá gæti ég vel hugsað mér það enda frábært að eyða sumrinu í eyjum og spila fótbolta"