Diego Coppola (t.h.) er genginn í raðir Brighton
Brighton hefur fest kaup á ítalska varnarmanninum Diego Coppola frá Hellas Verona.
Coppola er 21 árs gamall miðvörður sem hefur spilað stórt hlutverk með Hellas Verona síðustu ár.
Brighton greiðir 9 milljónir punda fyrir Coppola sem skrifaði undir fimm ára samning í dag.
Leikmaðurinn er staddur með U21 árs landsliði Ítalíu á Evrópumótinu í Slóvakíu þessa stundina, en mun hefja æfingar með liðinu í næsta mánuði.
„Diego er spennandi viðbót við liðið. Hann er hávaxinn, sterkur og stöðugur og mun færa okkur líkamlega nærveru. Hann hefur tekið miklar framfarir í Seríu A og verðskuldaði sæti sitt í A-landsliði Ítalíu. Við erum fullir tilhlökkunar í að hjálpa honum að þróa leik sinn enn meira,“ sagði Fabian Hürzeler, stjóri Brighton.
Coppola spilaði fyrstu A-landsleiki sína fyrr í þessum mánuði gegn Noregi og Moldóvu.
We are delighted to confirm the signing of Italy international Diego Coppola for an undisclosed fee, subject to the usual regulatory processes. ????
— Brighton & Hove Albion (@OfficialBHAFC) June 17, 2025
Athugasemdir
