Þóra Jónsdóttir var hetja Selfyssinga þegar hún skoraði sigurmark liðsins í framlengingu í úrslitaleik Mjólkurbikarsins í dag.
Markið kom á 102. mínútu en Þóra átti þá skot fyrir utan teig sem að hafnaði í netinu. Þóra byrjaði á varamannabekknum en kom inná undir lok leiks.
Markið kom á 102. mínútu en Þóra átti þá skot fyrir utan teig sem að hafnaði í netinu. Þóra byrjaði á varamannabekknum en kom inná undir lok leiks.
Lestu um leikinn: Selfoss 2 - 1 KR
„Ég var mjög svekkt að byrja ekki leikinn, ég var búin að spila alla leikina fram að þessu. Þjálfarinn tekur þessa ákvörðun og það verður bara að virða það en ég var klár í það að koma inná," sagði Þóra.
Hún bjóst ekki beint við því að skora sigurmarkið þegar hún var að undirbúa sig fyrir að koma inná.
„Ég bjóst kannski ekki beint við því en ég vildi það. Ég var búin að sjá þetta fyrir mér. Ég á að fá boltann þarna og skjóta og skora, ég gerði það bara."
Selfyssingar voru fjölmennir í stúkunni í kvöld og ætlar Þóra að fagna með stuðningsmönnunum og liðinu.
„Það er bara fagna, endalaust, með fólkinu sem að mætti hingað í kvöld.
Viðtalið við Þóru má sjá hér að ofan.
Athugasemdir
