Bjarni Hólm Aðalsteinsson í Keflavík (Staðfest)

Bjarni Hólm er fæddur árið 1984 og lék upp alla yngri flokkana með Huginn á Seyðisfirði. Hann gekk í raðir Fram árið 2002 og lék með liðinu 30 leiki í deild og bikar 2002 og 2003 en var leigður til baka til Hugins fyrir tímabilið 2004 leiktíð og lék stórt hlutverk í að koma liðinu upp úr 3. deildinni.

Hann gekk svo í raðir ÍBV í desember árið 2004 og lék með liðinu undanfarnar fjórar leiktíðir, samtals 69 deilarleiki og sex bikarleiki og skoraði fyrir félagið 10 mörk.

Bjarni lék á sínum tíma tvo leiki fyrir U21 árs landsliðið, sjö fyrir U-17 og fimm leiki fyrir U-19 og skoraði í þeim 1 mark.

Hann er annar leikmaðurinn sem kemur til Keflavíkur í vetur, áður hafði Haukur Ingi Guðnason komið frá Fylki.

Bjarni sem er miðvörður mun verða kærkomin viðbót í vörnina hjá Keflavík því liðið hefur misst þrjá miðverði frá síðustu leiktíð. Guðmundur Viðar Meta fór í Val, Hallgrímur Jónasson til GAIS í Svíþjóð og Kenneth Gustavsson til Finnlands.

Þá hefur Keflavík einnig misst Guðmund Steinarsson ti Vaduz í Liechtenstein og Danina Hans Mathiesen og Patrik Redo.