Bielsa reynir að halda leikmönnum rólegum

Leeds er í öðru sæti Championship-deildarinnar, þremur stigum á undan Sheffield United í þriðja sæti, þegar fjórir leikir eru eftir óspilaðir.

Leeds er í dauðafæri á að komast upp í úrvalsdeildina í fyrsta sinn frá 2004.

„Þegar allir í kringum þig eru spenntir, þá er erfitt að vera rólegur," sagði Bielsa.

„Þú verður að hafa báðar þessar tilfinningar en það getur verið erfitt að finna jafnvægið. Það er enginn fótboltamaður sem hefur ekki sömu tilfinningu og stuðningsmaðurinn."

„Sem atvinnumenn verða þeir að finna jafnvægið og vera rólegir."

Leeds spilar við Wigan á föstudagskvöld en ef allt fer eftir plani þá gæti sætið í úrvalsdeildinni verið tryggt á mánudaginn.