Antonio ósáttur með dómgæsluna: Eins og við værum að spila ellefu gegn fjórtán

West Ham er úr leik í Evrópudeildinni eftir jafntefli gegn Leverkusen í kvöld en liðið tapaði fyrri leiknum 2-0.

Antonio var pirraður í leikslok en hann taldi að dómararnir hafi ekki dæmt leikinn vel.

„Það var ekki eins og maður væri að spila ellefu á móti ellefu mönnum, manni leið eins og maður væri að spila á móti þrettán eða fjórtán ef talið er með aðstoðardómarana tvo," sagði Antonio.