Hansi Flick svaraði spurningum eftir sigur gegn Real Betis í næstsíðustu umferð spænska deildartímabilsins í gær.
Þetta var jafnframt síðasti heimaleikur Barcelona svo fagnað var dátt eftir sigurinn þar sem Börsungum tókst að verja Spánarmeistaratitilinn á milli ára.
Flick var spurður um ýmislegt eftir lokaflautið gegn Betis, meðal annars Robert Lewandowski, Joao Cancelo og Raphinha.
„Það verður ekki auðvelt að fylla í skarð Lewandowski, hann hefur verið besti framherji heims síðustu tíu ár. Það verður alls ekki auðvelt að fylla í skarðið. Við verðum að reyna að kaupa einhvern en það verður erfitt að finna réttan leikmann," sagði Flick.
„Við þurfum framherja sem passar við okkar leikstíl og hugarfar, en það mikilvægasta er að hann skori mikið af mörkum."
Joao Cancelo stóð sig vel á lánssamningi hjá Barca en snýr aftur til Al-Hilal í Sádi-Arabíu þar sem hann á eitt ár eftir af samning.
„Það verður ekki auðvelt að halda Cancelo en Deco er að vinna í því. Gæðin hans skinu í gegn undir lok tímabils og ég hef miklar mætur á honum. Hann er frábær leikmaður og ég vona að við getum haldið honum."
Cancelo verður 32 ára í lok maí áður en Raphinha verður þrítugur í desember. Brasilíski kantmaðurinn hefur verið sterklega orðaður við félagaskipti til Sádi-Arabíu.
„Raphinha verður áfram, hann er ótrúlegur leikmaður. Hann er einn af okkar mikilvægustu mönnum og ef ég fæ að ráða þá verður hann hérna í mörg ár.
„Hvað sem gerist í félagaskiptaglugganum í sumar þá er ég viss um að við verðum áfram með stórkostlegan leikmannahóp á næstu leiktíð."
18.05.2026 14:22
Flick framlengir við Barcelona (Staðfest)
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 37 | 31 | 1 | 5 | 94 | 33 | +61 | 94 |
| 2 | Real Madrid | 37 | 26 | 5 | 6 | 73 | 33 | +40 | 83 |
| 3 | Villarreal | 37 | 21 | 6 | 10 | 67 | 45 | +22 | 69 |
| 4 | Atletico Madrid | 37 | 21 | 6 | 10 | 61 | 39 | +22 | 69 |
| 5 | Betis | 37 | 14 | 15 | 8 | 57 | 47 | +10 | 57 |
| 6 | Celta | 37 | 13 | 12 | 12 | 52 | 48 | +4 | 51 |
| 7 | Getafe | 37 | 14 | 6 | 17 | 31 | 38 | -7 | 48 |
| 8 | Vallecano | 37 | 11 | 14 | 12 | 39 | 43 | -4 | 47 |
| 9 | Valencia | 37 | 12 | 10 | 15 | 43 | 54 | -11 | 46 |
| 10 | Real Sociedad | 37 | 11 | 12 | 14 | 58 | 60 | -2 | 45 |
| 11 | Espanyol | 37 | 12 | 9 | 16 | 42 | 54 | -12 | 45 |
| 12 | Athletic | 37 | 13 | 6 | 18 | 41 | 54 | -13 | 45 |
| 13 | Alaves | 37 | 11 | 10 | 16 | 43 | 54 | -11 | 43 |
| 14 | Sevilla | 37 | 12 | 7 | 18 | 46 | 59 | -13 | 43 |
| 15 | Osasuna | 37 | 11 | 9 | 17 | 44 | 49 | -5 | 42 |
| 16 | Elche | 37 | 10 | 12 | 15 | 48 | 56 | -8 | 42 |
| 17 | Levante | 37 | 11 | 9 | 17 | 46 | 59 | -13 | 42 |
| 18 | Girona | 37 | 9 | 13 | 15 | 38 | 54 | -16 | 40 |
| 19 | Mallorca | 37 | 10 | 9 | 18 | 44 | 57 | -13 | 39 |
| 20 | Oviedo | 37 | 6 | 11 | 20 | 26 | 57 | -31 | 29 |
