Fram vann stórkostlegan sigur á Val.
Klöppum fyrir Óskari Smára.
Birta hefur verið öflug í liði Blika.
Fram og Stjarnan unnu heldur betur óvænta sigra í 9. umferð Bestu deildar kvenna.
Eftir að hafa tapað 8-0 gegn Val í fyrra, þá fór Fram á Hlíðarenda á dögunum og vann þar 1-2 sigur. Murielle Tiernan var frábær í leiknum og það sama má segja um Unu Rós Unnarsdóttur og Telmu Steindórsdóttur. Aðra umferðina í röð er Óskar Smári Haraldsson þjálfari umferðarinnar en það er ekki annað hægt en að standa upp og klappa fyrir honum. Óskar var í harðri baráttu við Jóhannes Karl Sigursteinsson, þjálfara Stjörnunnar, að þessu sinni.
Eftir að hafa tapað 8-0 gegn Val í fyrra, þá fór Fram á Hlíðarenda á dögunum og vann þar 1-2 sigur. Murielle Tiernan var frábær í leiknum og það sama má segja um Unu Rós Unnarsdóttur og Telmu Steindórsdóttur. Aðra umferðina í röð er Óskar Smári Haraldsson þjálfari umferðarinnar en það er ekki annað hægt en að standa upp og klappa fyrir honum. Óskar var í harðri baráttu við Jóhannes Karl Sigursteinsson, þjálfara Stjörnunnar, að þessu sinni.
Stjarnan varð nefnilega fyrsta liðið til að leggja Þrótt að velli í sumar. Auður Sveinbjörnsdóttir Scheving átti mjög góðan leik í marki Stjörnunnar og var Anna María Baldursdóttir öflug í vörninni.
Breiðablik er á toppi deildarinnar eftir 0-2 sigur á Þór/KA. Birta Georgsdóttir skoraði tvö mörk í leiknum og var maður leiksins en Kristín Dís Árnadóttir steig ekki feilspor í vörn Blika.
FH er að spila frábærlega en þær unnu 5-1 sigur á Tindastóli þar sem Ída Marín Hermannsdóttir var maður leiksins. Maya Hansen var þá öflug í liði FH eins og hún hefur verið í allt sumar.
Þá komst Víkingur á sigurbraut er þær heimsóttu lánlaust lið FHL. Linda Líf Baoma var virkilega öflug í þeim leik eins og Freyja Stefánsdóttir.
Fyrri lið umferðarinnar
Besta-deild kvenna
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Breiðablik | 18 | 16 | 1 | 1 | 77 - 15 | +62 | 49 |
| 2. FH | 18 | 12 | 2 | 4 | 44 - 21 | +23 | 38 |
| 3. Þróttur R. | 18 | 11 | 3 | 4 | 34 - 22 | +12 | 36 |
| 4. Valur | 18 | 8 | 3 | 7 | 30 - 27 | +3 | 27 |
| 5. Víkingur R. | 18 | 8 | 1 | 9 | 40 - 39 | +1 | 25 |
| 6. Stjarnan | 18 | 8 | 1 | 9 | 31 - 36 | -5 | 25 |
| 7. Þór/KA | 18 | 7 | 0 | 11 | 31 - 41 | -10 | 21 |
| 8. Fram | 18 | 7 | 0 | 11 | 24 - 43 | -19 | 21 |
| 9. Tindastóll | 18 | 5 | 2 | 11 | 22 - 44 | -22 | 17 |
| 10. FHL | 18 | 1 | 1 | 16 | 11 - 56 | -45 | 4 |
Athugasemdir
