Hin 16 ára gamla Thelma Björg Gunnarsdóttir er gengin í raðir Gróttu frá Sindra. Þetta kemur fram í tilkynningu Gróttu á Instagram.
Thelma Björg er eldsnöggur leikmaður sem getur leyst margar stöður á vellinum.
Þrátt fyrir ungan aldur hefur hún spilað 53 leiki í deild- og bikar, og skorað 11 mörk ásamt því að spila þrjá landsleiki með U15 ára landsliðinu.
Mörg lið báru víurnar í Thelmu sem leist best á verkefni Gróttu og hefur hún nú skrifað undir þriggja ára samning.
„Það er mikið gleðiefni að fá Thelmu í raðir Gróttu. Hún er efnilegur leikmaður sem á framtíðina fyrir sér og við hlökkum til að vinna með henni næstu árin og hjálpa henni að aðlagast lífinu í borginni. Það að Thelma velji Gróttu fram yfir önnur lið á höfuðborgarsvæðinu er líklega til marks um það góða starf sem hefur verið unnið með ungum leikmönnum í félaginu undanfarin ár. Gróttusamfélagið mun styðja við bakið á Thelmu - ýta henni áfram og vera til staðar þegar á reynir,“ sagði Magnús Örn Helgason, yfirmaður fótboltamála hjá Gróttu um Thelmu.
Grótta hafnaði í 4. sæti Lengjudeildarinnar á nýafstöðnu tímabili og var aðeins stigi frá því að komast upp í Bestu deildina.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
