Gary Neville er mikill stuðningsmaður Manchester United eftir að hafa leikið fyrir félagið allan atvinnumannaferilinn og verið fyrirliði í fimm ár.
Fyrirliðinn Ashley Young var seldur til Inter í gær og tók Harry Maguire við bandinu. Miðvörðurinn Maguire, 27 ára, var keyptur til Man Utd síðasta sumar fyrir 80 milljónir punda.
Neville tjáði sig um fyrirliðaskiptin á Twitter og varaði Maguire við skítstorminum sem hann á eftir að fá yfir sig sem fyrirliði.
„Til hamingju! Þú getur búist við miklu skítkasti næstu ár. Ekki láta deigan síga því þú ert fyrirliði stærsta knattspyrnufélags heims sem mun rísa aftur upp og vinna titla," skrifaði Neville sem svar við yfirlýsingu Maguire eftir að hann fékk fyrirliðabandið.
Congratulations! The shit will come thick and fast in the next year or two. Stick at it as you are the captain of the biggest club in the world and it will rise and win again . ❤️ https://t.co/WlHCJ9l2kp
— Gary Neville (@GNev2) January 17, 2020
Athugasemdir