England: Man City rúllaði yfir Ipswich - De Bruyne og Foden stórkostlegir

Manchester City rúllaði yfir Ipswich í lokaleik dagsins í ensku úrvalsdeildinni.

Ipswich byrjaði leikinn vel en það var Phil Foden sem braut ísinn á 27. mínútu. Aðeins þremur mínútum síðar skoraði Mateo Kovacic eftir undirbúning Foden.

Foden var ekki hættur því hann bætti við þriðja markinu áður en flautað var til leiksloka. Kevin de Bruyne lagði upp seinna mark Foden.

De Bruyne lagði síðan upp mark á Jeremy Doku sem lagði síðan upp fimmta markið á Erling Haaland og fagnaði hann því nýjum tíu ára samningi með marki.

Það var svo James McAtee sem negldi síðasta naglann í kistu Ipswich stuttu eftir að hafa komið inn á sem varamaður.

Man City er komið í Meistaradeildarsæti eftir sigurinn en Ipswich er áfram í fallsæti.