Guardiola: Tala um það sem þið viljið eftir leikinn

City var á föstudag dæmt í tveggja ára bann frá Evrópukeppnum fyrir að brotið reglur um fjárhagslega háttvísi. Auk þess fékk félagið 30 milljóna evra sekt frá UEFA. Dómnum hefur verið áfrýjað til alþjóðlega íþróttadómstólsins, CAS.

Guardiola ræddi í fyrsta sinn við fjölmiðla eftir að tilkynnt var um bannið fyrir nokkrum mínútum síðan. Hann ræddi við Sky Sports, en vildi ekkert tjá sig um bannið þar sem framundan er leikur gegn West Ham.

„Við skulum tala um það sem þið viljið eftir leikinn. Núna einbeitum við okkur að því sem við erum að gera. Við reynum bara að spila okkar leiki," sagði Guardiola og bætti við: „Við styðjum félagið 100%."

Smelltu hér til að sjá byrjunarliðin fyrir leikinn sem hefst eins og áður segir klukkan 19:30.