Beye í leik með Marseille fyrir um það bil 20 árum síðan.
Habib Beye, fyrrum bakvörður Newcastle og Aston Villa í enska boltanum, hefur verið ráðinn sem aðalþjálfari Marseille í Frakklandi þar sem hann tekur við af Roberto De Zerbi.
Beye er 48 ára gamall og var lykilmaður á dvöl sinni hjá Marseille sem leikmaður. Hann fékk fyrirliðabandið hjá félaginu áður en hann var seldur til Englands.
Beye, sem lék 45 landsleiki fyrir Senegal, hafði stýrt Rennes í efstu deild franska boltans í rétt rúmt ár þegar hann var rekinn fyrr í febrúar. Hann gerði flotta hluti með liðið en slök úrslit síðustu leikja urðu til þess að stjórnendur ákváðu að reka hann.
Marseille er í fjórða sæti frönsku deildarinnar, sex stigum fyrir ofan Rennes.
Athugasemdir
