Íslenski markvörðurinn Adam Ingi Benediktsson hefur verið kynntur hjá danska C-deildarfélaginu AB, sem kaupir hann frá Östersund.
Adam Ingi, sem er 22 ára gamall, gekk í raðir IFK Gautaborg árið 2019 frá HK. Hann spilaði 12 leiki á tíma sínum hjá sænska úrvalsdeildarfélaginu, en gekk síðan í raðir Östersund á síðasta ári.
Adam Ingi, sem er 22 ára gamall, gekk í raðir IFK Gautaborg árið 2019 frá HK. Hann spilaði 12 leiki á tíma sínum hjá sænska úrvalsdeildarfélaginu, en gekk síðan í raðir Östersund á síðasta ári.
Jóhannes Karl Guðjónsson er þjálfari AB en hann hefur verið sterklega orðaður við þjálfarastarfið hjá ÍA. Áhugavert er að í tilkynningu danska félagsins á íslenska markverðinum tjáir Jói Kalli sig um komu hans.
„Ég er spenntur fyrir því að fá Adam í klefann okkar. Við erum að fá markvörð sem er gríðarlega öflugur í teignum, kvikur á línunni og mikill íþróttamaður," segir Jóhannes Karl.
Markvörðurinn tók sér leyfi frá fótbolta í byrjun þessa tímabils, en snéri aftur rúmum mánuði síðar.
Fyrir hjá AB eru tveir íslenskir leikmenn; Ágúst Eðvald Hlynsson og Ægir Jarl Jónasson. AB átti frábæran endasprett í C-deildinni. Liðið vann sex af síðustu átta leikjum sínum og hafnaði í 4. sæti með 51 stig, átta stigum frá sæti í næst efstu deild.
Athugasemdir
