Anna Garðars og Hekla Pálma í Aftureldingu (Staðfest)

Hekla Pálmadóttir er 23 ára gamall varnarmaður sem kemur frá Breiðablik. Hún hefur komið við sögu í þremur af leikjum liðsins í sumar en gengur nú til liðs við Aftureldingu þar sem hún spilar þar til hún fer til náms í Bandaríkjunum.

Hekla hefur leikið 53 leiki í deild og bikar fyrir uppeldisfélag sitt, Breiðablik og hefur skorað í þeim þrjú mörk. Hún á að baki 20 leiki fyrir U19 og U17 ára landslið Íslands.

Anna Garðarsdóttir er miðjumaður sem kemur frá Val. Hún missti af síðustu leiktíð vegna meiðsla en hafði komið við sögu í einum leik í sumar þegar hún skiptir nú til Aftureldingar.

Anna er einnig 23 ára gömul. Hún hóf feril sinn árið 2003 með HK/Víkingi en gekk til liðs við Val fyrir tímabilið 2007. Hún hefur leikið 62 leiki í deild og bikar og skorað í þeim 25 mörk. Hún var á láni hjá Aftureldingu síðari hluta sumarsins 2008 og skoraði þá eitt mark í átta leikjum.