20.02.06 - 06:00
Hafliði Breiðfjörð
Sævar Eyjólfsson til ÍBV (Staðfest)
Sævar í leik með Þrótti gegn ÍBV á Laugardalsvelli síðasta sumar en í þessum leik léku Eyjamenn í íslensku landsliðsbúningunum.
Mynd: Fótbolti.net - Daníel Rúnarsson
Sævar í leik með Þrótti gegn ÍBV á Laugardalsvelli síðasta sumar en í þessum leik léku Eyjamenn í íslensku landsliðsbúningunum.
Mynd: Fótbolti.net - Daníel Rúnarsson
Framherjinn Sævar Eyjólfsson er genginn í raðir ÍBV en hann fékk leikheimild með liðinu í gær í tæka tíð svo hann náði að vera í leikmannahópi ÍBV sem mætti Breiðablik í fyrsta leik liðanna í deildabikarkeppni KSÍ.
Sævar sem er 28 ára gamall á árinu kemur til ÍBV frá Þrótti en það hefur staðið til að undanförnu að hann gengi í raðir Eyjamanna og hefur hann því æft með þeim og leikið æfingaleiki. Nú varð hann hinsvegar að fá leikheimild til að geta spilað í deildabikarnum.
Sævar er framherji sem hafði komið til Þróttar frá Haukum fyrir síðasta tímabil en hann hafði verið í þrjú ár í Hafnarfirðinum og þar áður í Njarðvík.
Hann lék átta leiki með Þrótti í Landsbankadeildinni í sumar en náði ekki að skora. Hann skoraði hinsvegar átta mörk í 14 leikjum með Haukum í 1. deildinni sumarið 2004.
Sævar er framherji sem hafði komið til Þróttar frá Haukum fyrir síðasta tímabil en hann hafði verið í þrjú ár í Hafnarfirðinum og þar áður í Njarðvík.
Hann lék átta leiki með Þrótti í Landsbankadeildinni í sumar en náði ekki að skora. Hann skoraði hinsvegar átta mörk í 14 leikjum með Haukum í 1. deildinni sumarið 2004.
