Spánn 1 - 0 Ítalía
1-0 Riccardo Calafiori ('55, sjálfsmark)
1-0 Riccardo Calafiori ('55, sjálfsmark)
Spánn og Ítalía áttust við í Miðjarðarhafsslag í 2. umferð Evrópumótsins í kvöld og voru Spánverjar talsvert sterkari aðilinn í leiknum.
Spánverjar fengu urmul færa en þeim tókst ekki að koma boltanum í netið. Gianluigi Donnarumma átti góðan leik og klúðruðu Spánverjar frábærum færum.
Staðan var markalaus í leikhlé og gerðu Ítalir tvöfalda skiptingu í hálfleik, en það lagaði ekki stöðuna. Spánverjar voru áfram sterkari aðilinn og tóku loks forystuna á 55. mínútu, þegar Riccardo Calafiori varð fyrir því óláni að skora sjálfsmark.
Það barst inn föst fyrirgjöf frá hinum afar líflega Nico Williams á vinstri kanti sem Álvaro Morata skallaði og Gigi Donnarumma komst einnig með putta í boltann áður en hann hafði viðkomu í Calafiori og fór þaðan í netið.
Spánverjar náðu ekki að tvöfalda forystuna og voru orðnir nokkuð orkulausir þegar tók að líða á seinni hálfleik og fengu Ítalir fínar sóknir á lokakaflanum, en tókst ekki að skapa mikla hættu.
Lokatölur 1-0 fyrir Spán sem tók Ítalíu í kennslustund og voru Spánverjar óheppnir að vinna ekki stærra.
Spánverjar eru þar með búnir að tryggja sér þátttökurétt í 16-liða úrslitum mótsins á meðan Ítölum nægir jafntefli í lokaumferðinni gegn Króatíu til að tryggja sér annað sætið.
Stórleikur kvöldsins var viðureign Spánar og Ítalíu þar sem eina mark leiksins var sjálfsmark. Allt það helsta úr leiknum hér! ???????????? ???????????? pic.twitter.com/icw4QVkMOZ
— RÚV Íþróttir (@ruvithrottir) June 20, 2024
Athugasemdir