Afturelding er búið að staðfesta félagaskipti Luc Kassi til félagsins á frjálsri sölu frá Degerfors í Svíþjóð.
Kassi er framsækinn miðjumaður sem getur einnig leikið úti á kanti eða í fremstu víglínu.
Hann er 30 ára gamall og lék fyrir Stabæk í tíu ár, allt frá 18 ára aldri, og kom í heildina að 73 mörkum í 200 keppnisleikjum fyrir félagið. Hann lék örfáa leiki með Veigari Páli Gunnarssyni og Bjarna Ólafi Eiríkyssni hjá Stabæk.
Hann skipti yfir til KÍ Klaksvík í Færeyjum og var meðal bestu leikmanna liðsins svo hann var fenginn til Degerfors í næstefstu deild í Svíþjóð. Hann hjálpaði liðinu að komast upp í efstu deild en var ekki með sæti í byrjunarliðinu.
Kassi fékk samningi sínum við Degerfors því rift og reynir nú fyrir sér í efstu deild íslenska boltans.
Afturelding er í sjöunda sæti Bestu deildarinnar, með 19 stig eftir 15 umferðir, í ótrúlega þéttum pakka. Mosfellingar eru einu stigi frá fallsæti en á sama tíma aðeins fjórum stigum frá mögulegu Evrópusæti.
Besta-deild karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Valur | 15 | 9 | 3 | 3 | 39 - 20 | +19 | 30 |
| 2. Víkingur R. | 15 | 9 | 3 | 3 | 27 - 16 | +11 | 30 |
| 3. Breiðablik | 15 | 9 | 3 | 3 | 27 - 20 | +7 | 30 |
| 4. Fram | 15 | 7 | 2 | 6 | 23 - 19 | +4 | 23 |
| 5. Stjarnan | 15 | 6 | 3 | 6 | 25 - 26 | -1 | 21 |
| 6. Vestri | 15 | 6 | 1 | 8 | 13 - 14 | -1 | 19 |
| 7. Afturelding | 15 | 5 | 4 | 6 | 18 - 20 | -2 | 19 |
| 8. FH | 15 | 5 | 3 | 7 | 25 - 20 | +5 | 18 |
| 9. ÍBV | 15 | 5 | 3 | 7 | 14 - 21 | -7 | 18 |
| 10. KA | 16 | 5 | 3 | 8 | 16 - 31 | -15 | 18 |
| 11. KR | 15 | 4 | 4 | 7 | 35 - 37 | -2 | 16 |
| 12. ÍA | 16 | 5 | 0 | 11 | 16 - 34 | -18 | 15 |
Athugasemdir
