Sigurður Helgi í Leikni R. (Staðfest)

Sigurður Helgi hefur æft með Leiknismönnum undanfarnar vikur en hann skoraði meðal annars í æfingaleik gegn Keflavík á dögunum. Nú hefur þessi 23 ára gamli leikmaður síðan fengið félagaskipti yfir í Leikni.

Sigurður Helgi er uppalinn Fylkismaður en hann hefur leikið með Aftureldingu á láni undanfarin tvö ár og í fyrra skoraði hann þrjú mörk í 21 leik í fyrstu deildinni.

Sigurður Helgi fær leikheimild með Leikni í dag og því getur hann leikið með liðinu gegn sínum gömlu félögum í Fylki í Reykjavíkurmótinu í kvöld.

Þá er varnarmaðurinn Brynjar Óli Guðmundsson á leið aftur í Leikni úr Njarðvík en hann fær þó ekki leikheimild í tæka tíð fyrir leikinn í kvöld.