Tveir leikir fara fram í 16-liða úrslitum Meistaradeildar Evrópu í kvöld.
Porto tekur á móti Arsenal á Estadio Do Dragao-leikvanginum í Porto.
Arsenal hefur verið á miklu skrið á þessu ári á meðan Porto hefur aðeins tapað einum af átta leikjum sínum árið 2024.
Þetta er fyrri leikurinn í viðureigninni en síðari leikurinn fer fram á Emirates-leikvanginum í Lundúnum þann 12. mars.
Napoli mætir þá Barcelona á Diego Armando Maradona-leikvanginum í Napolí. Það hafa verið vandræði hjá báðum liðum á tímabilinu. Napoli var að skipta um þjálfara en Francesco Calzona tók við af Walter Mazzarri á meðan Xavi tilkynnti á dögunum að þetta væri hans síðasta tímabil með Barcelona.
Leikir dagsins:
20:00 Porto - Arsenal
20:00 Napoli - Barcelona
Athugasemdir