Alfreð Elías hættur með GG og farinn til Sindra (Staðfest)

Alfreð Elías hefur verið að þjálfa GG í þriðju deildinni eftir að hann hætti sem leikmaður Grindvíkinga í fyrra en nú hefur hann ákveðið að hætta sem þjálfari og flytjast til Hornafjarðar þar sem hann mun spila með Sindra.

Alfreð hefur þegar fengið leikheimild með Sindra og verður hann því með liðinu gegn Reyni Sandgerði á útivelli á morgun. Sem stendur eru Hornfirðingar neðstir í deildinni með fjögur stig en eitt lið fellur úr annarri deildinni sökum fjölgunar í þeirri fyrstu.