21.08.07 - 22:01
Sindri Þór Þorgeirsson
Emerson til Milan (Staðfest)
Mynd: Getty Images
Mynd: Getty Images
Brasilíumaðurinn Emerson er kominn aftur til Ítalíu og er genginn til liðs við Evrópumeistarana í AC Milan en þetta tilkynnti félagið nú í kvöld. Kaupverðið er talið vera um fimm milljónir evra.
Emerson sem er 31 árs miðjumaður hefur verið hjá Spánarmeisturum Real Madrid síðan síðasta sumar og hann vann titilinn með liðinu á síðasta tímabili.
Hann byrjaði ferilinn hjá Gremio í heimalandinu og fór þaðan til þýska liðsins Leverkusen árið 1997. Hann fór síðan til Ítalíu og vann Serie A með Roma árið 2001.
Þaðan fór hann með Fabio Capello til Juventus og fylgdi honum síðan einnig til Real Madrid. AC Milan verður því fyrsta ítalska liðið sem Emerson gengur til liðs við, sem er ekki þjálfað af Fabio Capello.
Hann byrjaði ferilinn hjá Gremio í heimalandinu og fór þaðan til þýska liðsins Leverkusen árið 1997. Hann fór síðan til Ítalíu og vann Serie A með Roma árið 2001.
Þaðan fór hann með Fabio Capello til Juventus og fylgdi honum síðan einnig til Real Madrid. AC Milan verður því fyrsta ítalska liðið sem Emerson gengur til liðs við, sem er ekki þjálfað af Fabio Capello.
Heimild: Heimasíða UEFA
