Sigurður Víðisson lánaður til Víkings í Ólafsvík (Staðfest)

Sigurður sem verður tvítugur í ár var fyrirliði í öðrum flokki HK á síðustu leiktíð en hann hefur átt við meiðsli að stríða í vetur.

Hann var nokkrum sinnum í leikmannahópnum hjá meistaraflokki HK í fyrstu deildinni síðastliðið sumar en hann er samningsbundinn félaginu til ársins 2008.

Víkingur fékk í gær annan leikmann á tvítugsaldri úr Kópavogi en liðið fékk þá Hjörvar Hermannsson á láni frá Breiðablik.