Þór er komið áfram í 16-liða úrslit Mjólkurbikarsins eftir 2-1 sigur á Grindavík á Salt-Pay vellinum á Akureyri.
Lestu um leikinn: Þór 2 - 1 Grindavík
Orri Freyr var til viðtals hjá Fótbolta.net eftir leikinn. Hvernig er tilfinningin?
„Hún er mjög góð. Það er alltaf gaman að vinna, fyrir mig persónulega að vinna gömlu félagana í Grindavík. Ég er mjög ánægður með úrslitin"
Síðast þegar liðin áttust við í bikarkeppni var Orri Freyr fyrirliði Grindavíkur.
„Já, ég á ekki góðar minningar úr þeim leik, ég held að þeir hafi skorað með síðustu snertingu í framlengingu. Ég náði að hefna fyrir það í dag.
„Þetta var mjög erfiður leikur, völlurinn erfiður, smá vindur. Við náðum að sýna karakter og hanga á þessu marki, við höfum verið gjarnir á að fá á okkur mark þegar það hefur legið á okkur í einhvern tíma. Við héldum út í dag sem er mjög gott."
