Rúnar Alex: Finnst ég eiga skilið að spila gegn Albaníu

cÞað er gott að ná í góðan sigur, skiptir ekki máli þó þetta hafi verið æfingaleikur, það er alltaf gaman að vinna. Það er gaman að halda hreinu og fara með sjálfstraust inn í næsta leik," sagði Rúnar Alex.

Hann var duglegur að láta í sér heyra í leiknum í dag.

„Það er bara mitt hlutverk. Sérstaklega í svona leik þar sem engir áhorfendur eru. Þá er kannski erfiðara að halda einbeitingu í svona leik þar sem lítið er í gangi. Þá þurfum við allir að hjálpast að, halda haus og halda fókus. Það var meira mitt hlutverk í dag en að verja eitthvað."

Ísland leikur tvo leiki í þessum glugga, aðalmálið er leikur við Albaníu í B-deild Þjóðadeildarinnar fer fram í Tirana þriðjudaginn 27. september og gæti endað sem úrslitaleikur um sæti í A-deildinni. Býst Rúnar Alex við því að verja markið í þeim leik?

„Ég ætla að vona það, mér finnst ég hafa gert nóg í þeim leikjum sem ég hef spilað til þess að eiga skilið að halda áfram að spila. Ég vonast eftir því að spila."

Viðtalið er í heild í sjónvarpinu hér að ofan.