Var fyrirliði FH á síðasta tímabili.
Eggert Gunnþór Jónsson er samkvæmt heimildum Fótbolta.net að ganga í raðir KFA. Hann lokar þar með hringnum en hann hóf meistaraflokksferilinn með Fjarðabyggð sumarið 2004.
Eggert er 35 ára og getur bæði spilað á miðjunni og í vörninni. Hann fer til KFA eftir að hafa spilað með FH frá sumrinu 2020. Samningur hans við FH rann út í lok síðasta tímabils.
Eggert er 35 ára og getur bæði spilað á miðjunni og í vörninni. Hann fer til KFA eftir að hafa spilað með FH frá sumrinu 2020. Samningur hans við FH rann út í lok síðasta tímabils.
KFA er í 2. deild og var hársbreidd frá því að fara upp úr deildinni í fyrra en sat eftir í deildinni með verri markatölu en ÍR sem fór upp.
Eggert á að baki farsælan feril sem atvinnumaður en hann lék með Hearts í Skotlandi, Wolves, Charlton og Fleetwood á Englandi, Belenenses í Portúgal og svo Vestsjælland og Sönderjyske í Danmörku. Hann varð bikarmeistari með Sönderjyske vorið 2020 og hélt í kjölfarið til FH.
Eggert á að baki 21 leik með íslenska landsliðinu. Hann lék sinn síðasta landsleik í janúar 2019 þegar hann byrjaði gegn Svíþjóð í vináttulandsleik.
Athugasemdir
