Ingi Þór lék á láni með Grindvíkingum í fyrra.
Grindavík hefur fest kaup á Inga Þór Sigurðssyni frá ÍA. Ingi lék á láni með Grindvíkingum á síðustu leiktíð og spilaði 21 leik í deildinni og skoraði þrjú mörk.
Ingi, sem er yngri bróðir landsliðsmannsins Arnórs Sigurðssonar, spilaði 49 leiki í efstu deild fyrir ÍA þar sem hann skoraði þar sjö mörk og lagði upp fimm.
Ingi, sem er yngri bróðir landsliðsmannsins Arnórs Sigurðssonar, spilaði 49 leiki í efstu deild fyrir ÍA þar sem hann skoraði þar sjö mörk og lagði upp fimm.
Hann er 21 árs gamall kantmaður en hann var samningsbundinn ÍA út komandi tímabil og því þurfti Grindvíkingar að opna veskið til að klófesta Inga. Hann skrifar undir þriggja ára samning við Grindavík.
Grindavík endaði í 10. sæti Lengjudeildarinnar í fyrra, en félagið hefur verið öflugt á leikmannamarkaðinum í vetur og hefur sótt sex leikmenn.
Grindavík
Komnir:
Damir Muminovic frá Breiðabliki
Ingi Þór Sigurðsson keyptur af ÍA (var á láni)
Hjörvar Daði Arnarsson frá ÍBV
Robert Blakala frá Selfossi
Stefán Jón Friðriksson frá Keflavík
Rúnar Ingi Eysteinsson frá Þrótti V. (var á láni frá Keflavík)
Valur Þór Hákonarson frá Víði (var á láni frá Keflavík)
Farnir:
Adam Árni Róbertsson í Þrótt R.
Ármann Ingi Finnbogason í ÍA (var á láni)
Rúrik Gunnarsson í HK (var á láni)
Breki Þór Hermannsson í ÍA (var á láni)
Árni Salvar Heimisson (var á láni frá ÍA)
Terry Lartey-Sanniez til Hollands
Matias Niemela (var á láni frá Vestra)
Athugasemdir
