Kári Einarsson í Leikni R. (Staðfest)

Kári, sem getur leikið hægra megin á vellinum og í fremstu víglínu, hefur æft með Víkingi í vetur og í febrúar gerði hann þriggja ára samning við félagið.

Hann hefur hins vegar núna komist að samkomulagi um að fá að ganga til liðs Leikni en hann lék með liðinu í æfingaleik gegn Fylki um síðustu helgi.

Kári lék með Víkingi 2004 og 2005 en þessi 21 árs gamli leikmaður lék með Berserkjum í þriðju deildinni í fyrra eftir að hafa átt við þrálát meiðsli að stríða.

Kári er annar leikmaðurinn sem Leiknir fær til liðs við sig á innan við vikutíma en fyrir helgi var greint frá því að danski varnarmaðurinn Rune Koertz hefði gert samning við félagið.