Jack Grealish, fyrirliði Aston Villa, segist ekki vera í neinum vafa um að stjarna sín geti skinið skært með enska landsliðinu í framtíðinni. Grealish lagði upp sigurmark Englands gegn Tékklandi á EM í gær.
Þessi hæfileikaríki leikmaður ætlar sér stóra hluti í landsliðstreyjunni og fann ekki fyrir neinu stressi í gær.
Þessi hæfileikaríki leikmaður ætlar sér stóra hluti í landsliðstreyjunni og fann ekki fyrir neinu stressi í gær.
„Það er ekkert sem hefur sagt að ég geti ekki staðið mig á þessu sviði. Þið vitið öll hvaða trú ég hef á sjálfum mér. Ég tel að ég hefði getað skapað enn meiri hættu í gær en við unnum og það er aðalatriðið," segir Grealish.
„Mér leið vel á vellinum og liðsframmistaðan var góð. Ég fann ekki neina pressu, ég elska að spila fótbolta. Ég fæddist til að gera það og fæ borgað fyrir það."
England tryggði sér sigur í sínum riðli og mun mæta erfiðum mótherja úr F-riðli í 16-liða úrslitunum.
Athugasemdir