23.07.09 - 08:51
Hafliði Breiðfjörð
Theodór Elmar til Gautaborgar (Staðfest)
Theodór Elmar er farinn til Gautaborgar.
Mynd: Fótbolti.net - Magnús Már Einarsson
Theodór Elmar er farinn til Gautaborgar.
Mynd: Fótbolti.net - Magnús Már Einarsson
Theodór Elmar Bjarnason er genginn í raðir IFK Gautaborgar í Svíþjóð en þangað kemur hann frá Lyn í Noregi sem hefur átt í fjárhagsvandræðum.
Þetta staðfesti Magnús Agnar Magnússon umboðsmaður leikmannsins við Fótbolta.net í gærkvöld en Theodór Elmar sem samdi við sænska félagið til ársins 2012 mun mæta á sína fyrstu æfingu þar í dag.
Theodór Elmar er 22 ára gamall landsliðsmaður Íslands. Hann hóf meistaraflokksferil sinn hjá KR árið 2004 er hann lék 10 leiki með liðinu í Landsbankadeild karla og einn í bikarnum. 20. desember það ár gekk hann svo í raðir Glasgow Celtic í Skotlandi þar sem hann var fram í janúar á síðasta ári er hann gekk í raðir Lyn.
Hann á að baki 9 landsleiki fyrir Íslands hönd en dróg sig út úr landsliðshópnum fyrr í sumar og ákvað að einbeita sér að félagsliði sínu í bili.
Hjá Gautaborg hittir hann fyrir tvo aðra Íslendinga, þá Hjálmar Jónsson og Ragnar Sigurðsson landsliðsmenn Íslands.
Theodór Elmar er 22 ára gamall landsliðsmaður Íslands. Hann hóf meistaraflokksferil sinn hjá KR árið 2004 er hann lék 10 leiki með liðinu í Landsbankadeild karla og einn í bikarnum. 20. desember það ár gekk hann svo í raðir Glasgow Celtic í Skotlandi þar sem hann var fram í janúar á síðasta ári er hann gekk í raðir Lyn.
Hann á að baki 9 landsleiki fyrir Íslands hönd en dróg sig út úr landsliðshópnum fyrr í sumar og ákvað að einbeita sér að félagsliði sínu í bili.
Hjá Gautaborg hittir hann fyrir tvo aðra Íslendinga, þá Hjálmar Jónsson og Ragnar Sigurðsson landsliðsmenn Íslands.
