Þórður Steinar Hreiðarsson í Breiðablik (Staðfest)

Þórður Steinar lék með Val til ársins 2006 og átti svo nokkur ár hjá Þrótti þar sem hann var lykilmaður. Hann gekk síðan til liðs við færeysku meistarana í HB þar sem Kristján Guðmundsson var að þjálfa.

Vitað var að uppeldisfélagið Valur vildi fá Þórð Steinar í glugganum en það virðist ekkert hafa orðið af því.

Breiðablik hefur valdið vonbrigðum í sumar og er í 6. sæti deildarinnar með 15 stig. Þórður Steinar ætti að verða orðinn gjaldgengur í leik liðsins gegn KR annað kvöld.