Jóhann Björn og Víglundur Páll til Langevag (Staðfest)

Jóhann Björn fór til Noregs í febrúar og hefur æft með Langevog undanfarnar vikur.

Jóhann er uppalinn hjá Aftureldingu og hafði æft og leikið með Mosfellingum í vetur áður en að hann hélt til Noregs.

Víglundur Páll hefur undanfarin tvö ár leikið með Hetti en hann lék áður með Einherja, Fjarðabyggð og Þór hér á landi.

Auk þess að leika með Langevog þá mun Víglundur Páll þjálfa U16 ára liðið hjá félaginu en það er mjög sterkt á á norskan mælikvarða.

,,Mér fannst ég þurfa nýja áskorun, og þegar að það var hringt í mig og mér boðið þetta var ég strax spenntur. Ég tel að þetta muni bæði bæta mig sem leikmann og svo að sjálfsögðu sem þjálfara,\" sagði Víglundur við Fótbolta.net.

,,Ég vil nota tækifærið og þakka öllu því frábæra fólki sem ég hef starfað með hér á Egilsstöðum, þjálfurum, leikmönnum og að sjálfsögðu stjórninni og öðrum sem standa að fótboltanum á héraði.\"

Langevog er staðsett rétt hjá Álasund í Noregi en liðið féll úr norsku 3.deildinni í fyrra og ætlar sér beint upp aftur í ár.