„Einstaklingsmistök af okkar hálfu og okkur var refsað. HK skapaði betri færi auk þess að staðsetning leikmanna okkar var ekki upp á marga fiska hér í kvöld", sagði Paul Westren aðstoðarþjálfari Gróttu.
Lestu um leikinn: HK 3 - 1 Grótta
Grótta keppti gegn HK í Mjólkurbikarnum inn í Kórnum fyrr í kvöld, HK fór þar með sigur af hólmi, leikar enduðu 3-1 fyrir heimamönnum og Grótta þá dottnir úr leik.
„Mikil vonbrigði að detta úr bikarnum, við ætluðum okkur að komast áfram. Hrós á HK þeir voru betra liðið í kvöld og gangi þeim vel í næstu umferð".
Grótta minnkaði muninn niður í eitt mark undir lok leiks en náðu ekki að jafna leikinn.
Við gáfum allt í leikinn, hentum öllum fram en þetta var ekki okkar leikur í kvöld og náðum því miður ekki að jafna, sagði Paul Westren svekktur eftir úrslit kvöldsins.
Viðtalið má sjá í heild sinni hér að ofan.
Athugasemdir
