Atli Már Rúnarsson tekur við Dalvík/Reyni (Staðfest)

Atli Már lék í sumar ellefu leiki í markinu hjá Þór en hann var auk þess aðstoðarmaður Lárusar Orra Sigurðssonar og þá kom hann einnig að þjálfun í öðrum flokkum.

,,Þetta var flott þjálfarateymi hjá Þór og góðir þjálfarar sem eru þar en ég er bara aðeins að minnka við mig í vinnu,\" sagði Atli Már við Fótbolta.net.

Áður hafði Atli Már verið spilandi þjálfari hjá Magna í þrjár leiktíðir en í fyrra var hann valinn í lið ársins í 2.deildinni.

Hjá Dalvík/Reyni tekur Atli Már við þjálfuninni af Jóhanni Hreiðarssyni sem var spilandi þjálfari hjá liðinu í sumar.