Nýliðar Þórs hafa fengið Ganamanninn Isaac Antanga frá sænska félaginu Kalmar FF en hann semur til þriggja ára. Þetta kemur fram í tilkynningu á Þór/Sport í dag.
Atanga er 26 ára gamall vængmaður sem fór í gegnum Right to Dream-akademíuna í Gana áður en hann gekk í raðir danska úrvalsdeildarfélagsins Nordsjælland þegar hann var 18 ára.
Hann skoraði 12 mörk í 58 leikjum með Nordsjælland frá 2019 til 2021 áður en hann fór til Cincinnati í Bandaríkjunum.
Einnig lék hann fyrir Göztepe í Tyrklandi og Álasund í Noregi áður en hann hélt til Kalmar á síðasta ári.
Þór náði samkomulagi við Kalmar um Atanga og er hann genginn í raðir félagsins á þriggja ára samning.
Hann mun koma til móts við hópinn í æfingaferð félagsins á Marbella á Spáni um helgina.
Athugasemdir
