Mjólkurbikar kvenna: Völsungur skoraði sjö - Grunnskólastelpur í aðalhlutverki

Einherji tók á móti Völsungi í fyrsta leik í 2. umferð Mjólkurbikars kvenna og var staðan 0-1 í leikhlé.

Gestirnir frá Húsavík skiptu um gír í síðari hálfleik og bættu sex mörkum við leikinn til að sigra 0-7.

Auður Ósk Kristjánsdóttir og Ísabella Anna Kjartansdóttir voru atkvæðamestar með tvennu hvor, en þær eru báðar fæddar 2011 og því á fjórtánda aldursári.

Völsungur tryggir sér farmiða í 16-liða úrslit bikarsins með þessum sigri.