Óli Stefán Flóventsson í Grindavík (Staðfest)

Óli Stefán sem er leikjahæsti leikmaður Grindavíkur í efstu deild frá upphafi, hefur leikið með norska 2. deildarliðinu Vard Haugasund í sumar þar sem hann hefur verið fastamaður í liðinu sem er í 3. sæti í sínum riðli.

Óli Stefán hefur leikið 183 leiki fyrir Grindavík í efstu deild og skorað 32 mörk en alls hefur hann leikið alls 202 leiki í efstu deild.

Þar sem Marko Valdimar Stefánsson meiddist illa í vinnuslysi í vikunni og Bogi Rafn Einarsson heldur til náms Bandaríkjunum í ágúst var ljóst að Grindavík þurfti á liðsstyrk að halda og nú hefur félegið náð samningum við Óla Stefán.

Hann hafði leikið með Fjölni í Landsbankadeildinni á síðustu leiktíð.