28.01.05 - 19:15
Hafliði Breiðfjörð
Henchoz til Celtic (Staðfest)
Stephane Henchoz gerði nú í kvöld samning við skosku risana í Glasgow Celtic til loka tímabilsins. Henchoz hefur ekki verið í náðinni hjá Rafael Benítez knattspyrnustjóra Liverpool frá því hann kom til félagsins og ekki fengið einasta tækifæri eftir að hann gagnrýndi Benítez opinberlega um áramótin.
Hann er þrítugur og fenginn til Celtic vegna óvissunnar um framtíð Bobo Balde hjá félaginu. Hann var hluti af Liverpool liðinu sem vann þrjá titla árið 2001.
