Diane Caldwell er gengin til liðs við Manchester United en hún lék með North Carolina Courage í Bandaríkjunum í fyrra.
Caldwell þekkir til á Íslandi en hún lék með Þór/KA síðari hluta tímabilsins árið 2011. Hún er varnarmaður en hún lék 7 leiki og skorað eitt mark fyrir Þór/KA.
Hún er írsk og hefur leikið 84 leiki fyrir þjóð sína.
Signe Bruun er einnig gengin til liðs við félagið en hún kemur á láni frá Lyon. Hún er danskur framherji en hún hefur skorað 6 mörk í 11 leikjum fyrir Lyon.
Athugasemdir