Viktor Bjarki skoraði þriðja Meistaradeildarmark sitt
Framarinn Viktor Bjarki Daðason var að koma danska liðinu FCK í 1-0 forystu gegn Barcelona á Nývangi í Meistaradeild Evrópu.
Viktor Bjarki er aðeins 17 ára gamall en hefur þegar tekið met af einum efnilegasta leikmanni heims, Lamine Yamal, í Meistaradeildinni á leiktíðinni.
Hann var að skora á einum erfiðasta leikvangi Evrópu, Nou Camp, er hann kom FCK yfir á 4. mínútu.
Mohamed Elyounoussi sendi Viktor Bjarka í gegn sem skoraði með laglegri afgreiðslu. Þetta var þriðja mark hans í deildarkeppninni á þessari leiktíð.
Hægt er að sjá markið hér fyrir neðan.
Athugasemdir
