Anton, Arnór, Gauti og Elías Fannar í KFS á láni (Staðfest)

Leikmennirnir eru búsettir á höfuðborgarsvæðinu sem stendur og þar sem að ÍBV á einungis einn leik eftir í Lengjubikarnum þá hafa þeir fengið að fara á láni í KFS til að komast í betri leikæfingu fyrir Íslandsmótið.

Lánssamningurinn tók gildi fyrir helgi og því geta leikmennirnir leikið með KFS gegn Víkingi Ólafsvík í Lengjubikarnum í dag.

Allir þessir leikmenn komu við sögu hjá ÍBV í Pepsi-deildinni í fyrra en Gauti lék meðal annars sautján leiki og Arnór Eyvar sextán.