Alexander Veigar og Benis Krasniqi í Reyni S. (Staðfest)

Alexander Veigar, sem er tvítugur miðjumaður, kemur á láni frá Fram en hann hefur fengið fá tækifæri með Safamýrarliðinu í sumar.

Alexander er uppalinn hjá Grindavík en hann gekk í raðir Fram síðastliðið haust.

Hann hefur aðeins leikið fjóra leiki í sumar og var ekki í leikmannahópi Fram gegn Fylki í gærkvöldi.

Benis kom til Íslands í fyrrasumar og ætlaði að ganga í raðir HK en félagaskiptin náðu ekki í gegn áður en félagaskiptaglugginn lokaði.

Í kjölfarið fór Benis í HK þar sem hann hafði stutt stopp áður en hann gekk í raðir KS/Leifturs í vor.

Hjá KS/Leiftri hefur hann skorað sjö mörk í tólf leikjum í deild og bikar í sumar.

Leikmennirnir munu báðir styrkja Reyni en liðið er með þriggja stiga forskot á toppnum í 2.deildinni.

Næsti leikur liðsins er gegn Magna á útivelli á morgun en báðir leikmennirnir ættu að geta leikið með liðinu í þeim leik.