Kjartan Henry Finnbogason til Falkirk (Staðfest)

Kjartan hefur lítið fengið að spreyta sig með norska liðinu Sandefjord í sumar og hefur ekki farið leynt með þá ósk sína að reyna fyrir sér annarsstaðar.

Falkirk hefur samið um forkaupsrétt á honum að lánstímabilinu loknu en vegna félagaskiptareglna í Noregi var ekki unnt að gera lengri samning við leikmanninn.

Forráðamenn Falkirk hrifust mjög af Kjartani þegar hann var til reynslu hjá félaginu fyrir stuttu og skoraði hann m.a. í æfingaleik fyrir liðið. Því var kappkostað að fá hann til félagsins og var gengið frá samningnum eftir að hann stóðst læknisskoðun í dag.