Ejub Purisevic tekur við Víking Ólafsvík (Staðfest)

Ejub er öllum hnútum kunnugur hjá Víkingi en hann stýrði liðinu frá 2003-2008 og á síðasta tímabili var hann að þjálfa yngri flokka félagsins auk þess sem hann var yfirmaður yfir knattspyrnusamstarfinu á Snæfellsnesi.

Síðastliðið haust tók Kristinn Guðbrandsson við af Ejub en hann fékk að taka pokann sinn í sumar. Darko Kavcic var í kjölfarið ráðinn þjálfari en hann náði ekki að bjarga Víkingi frá falli niður í aðra deild.

Ejub náði á sínum tíma aðdáunarverðum árangri með Víking en hann tók við liðinu fyrir sumarið 2003 og stýrði því til sigurs í þriðju deildinni.

Ári síðar var liðið í öðru sæti í annarri deild og liðið hélt sæti sínu í fyrstu deild í fjögur ár undir stjórn Ejub.